Amriddin Najmiddinov Alisher O'g'li

Amriddin Samarqand viloyati Kattaqo‘rg‘on shahrida o‘sdi va bu yerdagi ixtisoslashtirilgan maktabda ta’lim oldi. Uning bolalik yillari ilm-fanga qiziqish bilan o‘tdi, bu esa kelajakdagi faoliyatida muhim omil bo‘lib xizmat qildi. Amriddinning tibbiyotga qiziqishi buvisi bilan bog‘liq. Buvisi farmatsevt sifatida Amriddin uchun ilhom manbai bo‘ldi, u birinchi marta dori ta’sirlari haqida ma’lumotlarni o‘rganib, bu haqda o‘zi xohlagan suhalarda mustaqil izlanishlar olib borgan.

Maktab davrida Amriddin ilmiy tadqiqotlarga qiziqishni kuchaytirdi. U 9-sinfda botulizm haqida mustaqil maqola yozdi. Bu tadqiqot unga ilm-fan sohasida qanday xizmat qilishni tushunishga yordam berdi. U shuningdek, SMV infeksiyasi bo‘yicha maqolasi bilan ko‘plab tanlovlarda muvaffaqiyatli ishtirok etdi. Bu jarayon uning qobiliyatlarini rivojlantirishga va ilmiy ko‘nikmalarini mustahkamlashga zamin yaratdi.

U Kattaqo‘rg‘on shahar ixtisoslashtirilgan maktabini muvaffaqiyatli tamomlab, hozirda Toshkent Kimyo Xalqaro Universitetida davolash ishi yo‘nalishida tahsil olmoqda. Ta’lim jarayonida fizika, kimyo va biologiyani chuqur o‘rganishi uning kelajakdagi ish faoliyatiga tayyorgarlik ko‘rishga yordam berdi. U ilmiy maqolalar o‘qish va ularni tahlil qilishda doimiy faoliyat yuritadi.

Amriddin muvaffaqiyatlari natijasida bir qancha mukofotlarga ega bo‘ldi. U «Ilm-fan iftixori» ko‘krak nishonining sohibidir. Shuningdek, u Eco-school faol eko-volontyor sifatida tanilgan. U bir nechta milliy sertifikatlar bilan taqdirlangan va IELTS B2 darajasiga ega.

Amriddin bo'sh vaqtlarida ilmiy maqolalar o‘qishga, Dr.Professor blogini yuritishga, geografiya va ilmiy jarayonlarga qiziqadi. U o‘z blogida kreativ va amaliy kontentlarni ishlab chiqadi, shuningdek, gumanitar fanlarga ham qiziqadi. Bunda tarix, geografiya va ona tili kabi fanlardagi bilimini rivojlantiradi.

Kelayotgan vaqt ichida u nerv to‘qimalarini viruslar orqali stimullash yo‘nalishida kuchli ilmiy izlanishlar olib borishni rejalashtirmoqda. U o‘zining orzusi — Nobel mukofotini olishini ta’kidlaydi. Uning maqsadi nafaqat o‘z davlatiga, balki butun insoniyatga foyda keltirishdir.

Amriddinning fikriga ko‘ra, lider bo‘lish uchun boshqalarning manfaatini o‘zinikidan ustun qo‘yish muhimdir. U jamoada har bir inson o‘z o‘rniga ega degan tushunchaga amal qiladi, shuningdek, jamoaning muvaffaqiyatida har bir liderning roli muhimligini ta’kidlaydi.

Amriddin Najmiddinov, yosh tadqiqotchi va ilm-fan sohasida izlanishlar olib borayotgan talab, jamoatchilikda zich ijtimoiy munosabatlar o‘rnatmoqda. Uning kelajakdagi maqsadlari va fan olamidagi g‘oyalari, barcha yoshlarga ilhom manbai bo‘lishi lozim. Uning fikricha, bilim ijtimoiy taraqqiyotda muhim rol o‘ynaydi, kelajakda esa bilim va ilmni o‘rganish va qo‘llash har bir insonning burchidir.