Shukurulloyeva Rayxona Azimjonovna

Rayxona Kattaqo‘rg‘on shahrida tug‘ilgan. Umumiy o‘rta ta’limni 9-sinfigacha turli umumta’lim maktablarida va Kattaqo‘rg‘on shahar Ixtisoslashtirilgan maktabida tahsil olgan. Ta’lim jarayonida matematika, fizika va ingliz tiliga bo‘lgan qiziqishi uni ilmiy musobaqalarda faol qatnashishga ilhomlantirdi. Hozirgi kunda Jahon iqtisodiyoti va diplomatiya universiteti akademik litseyida o‘qiydi.

Rayxonaning asosiy qiziqishlari kompyuter fanlari (Computer Science), sun’iy intellekt (AI), matematika va fizikar. U dasturlash, texnologiyalar, innovatsion loyihalar yaratish va liderlik faoliyatiga qiziqadi. Ushbu yo‘nalishlarda o‘z bilim va ko‘nikmalarini rivojlantirish uchun Rayxona matematikaga doir fan olimpiadalari va sun’iy intellekt tanlovlarida ishtirok etgan. U o‘z bilimini rivojlantirish va amaliyotga tadbiq etish uchun har doim yangi loyihalarda ishtirok etishga harakat qiladi.

Rayxona 2026-yilda TechGirls (AQSh Davlat departamenti) dasturida yarim finalchisi maqomiga sazovor bo‘ldi hamda AQSh Elchixonasida suhbat bosqichida ishtirok etdi. 2025-yilda President Tech Award tanlovining milliy saralash bosqichida RynWrite AI ta’lim platformasi loyihasi bilan qatnashdi. Ikki yildan beri o‘zining startap loyiha ustida ishlashga kirishgan, shuningdek, uz Combinator Startup School 2026 akseleratsiya dasturiga tanlangan.

Rayxona EcoSchools loyihasi orqali ekologik muammolarni hal qilishga qaratilgan tadbirlar o‘tkazmoqda. Suvni tejash va plastik chiqindilarni qayta ishlashga qaratilgan loyiha orqali 100 dan ortiq o‘quvchini jalb qildi. U shuningdek, “O‘zbegim Merosi” jamoasining brend-yuzi va “Mehrli Toys” xayriya loyihasining elchisi sifatida ijtimoiy faoliyat ko‘rsatmoqda.

Rayxonaning hayotida ona doimo mustahkam tayanch bo‘lib, unga har qanday sharoitda odamiylikni saqlashga o‘rgatgan. Hayotiy prinsipi — har kuni o‘tgan kundan yaxshiroq bo‘lishdir. U mag‘lubiyatni o‘z kuchini oshirishda bir imkoniyat sifatida qaraydi. Muvaffaqiyat uning uchun temir intizom va izchillik mahsuli.

Rayxonaning kelajak maqsadi — zamonaviy texnologiyalar va sun’iy intellekt imkoniyatlaridan foydalanib, yoshlar uchun sifatli ta’lim yaratish va o‘z salohiyatini ko‘rsatishga yordam berishdir. U shuningdek, O‘zbekistonning jahon arenasidagi mavqeini mustahkamlashga intiladi va xalqaro diplomatiya sohasidagi bilimi bilan manfaatlari va yoshlar ovozini ifodalaydi.

Rayxonaning fikricha, boshqalar mag‘lubiyatni o‘sish nuqtasiga aylantirish, amaliyot va bilimni birlashtirish, samimiy va mas’uliyatli liderlik qilish, keng dunyoqarashga ega bo‘lish va niyat xolisligini saqlashdan o‘rganishlari mumkin. U har bir inson xuddi o‘z tarixini o‘zi yozishi kerakligini ta’kidlaydi.

Rayxona Azimjonovna zamonaviy texnologiyalarning imkoniyatlarini to‘g‘ri ishlata biladigan, ijtimoiy faoliyat bilan shug‘ullanuvchi va doimiy ravishda o‘zini rivojlantirishga intiluvchi yosh yetakchi sifatida tanilgan. U kelajagida innovatsion loyihalarni har tomonlama rivojlantirib, yoshlar uchun yangi imkoniyatlar ochishga harakat qilmoqda. Shunday qilib, o‘z orzu-maqsadlarini ro‘yobga chiqarishga va O‘zbekistonning xalqaro platformadagi mavqeini mustahkamlashga intilmoqda.